ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Համահայկական առևտրի պալատը, որը նաև ծանոթ է որպես Հայկական առևտրային ցանց (Armenian Trade Network – Global Armenian Chamber of Commerce), 2019թ.-ի հոկտեմբերի 10-ին Երևանում կազմակերպում է գործարար խորհրդաժողով՝ ATN Business Forum նվիրված Հայաստան-Սփյուռք գործարար կապերին:

«Արմենպրես»-ի փոխանցմամբ՝ համաժողովը հաջորդում է սփյուռքահայ գործարարներին ATN-ի կողմից նախապես արված կոչին՝ ավելի ակտիվ ներգրավվելու հայրենիքում: ATN-ը միակ միջոլորտային համահայկական գործարար կազմակերպությունն է, որ ներառում է 17 գործարար միություններ՝ 13 երկրներում։ Կազմակերպության նպատակն է վերակառուցել հայկական դարավոր առևտրային ցանցերը՝ նպաստելով նոր գործարար կապերի առաջացմանըև ստեղծելով նոր հարթակ սփյուռքի և Հայաստանի առևտրարդյունաբերական պալատների և գործարար միությունների միջեւ՝ գիտելիքների ևփորձի փոխանակման, ինչպես նաև Հայաստանի եւ Արցախի տնտեսական զարգացմանը նպաստելու համար։

Հայաստան-սփյուռք կայուն տնտեսական համագործակցության ուղղություններն ու համաշխարհային գործարար կապերի խթանումը գալիք խորհրդաժողովի գլխավոր թեմաներն են, որոնց շրջանակներում նախատեսվում են ազատ քննարկումներ բանախոսների և գրանցված հրավիրյալների միջեւ՝ Հայաստան-սփյուռք տնտեսական կապերի զարգացման մարտահրավերներին վերաբերվող կարեւոր հարցերի շուրջ: Միջոցառումը կազմակերպվում է ՀՀ կառավարության, ինչպես նաև սփյուռքի և Հայաստանի առևտրարդյունաբերական պալատների և գործարար խորհուրդների հետ համագործակցությամբ: Խորհրդաժողովին մասնակցելու են ATN-ի անդամ կազմակերպությունների պատվիրակները, տարբեր երկրներից հրավիրված և գրանցված գործարարներ ու դիտորդներ։ Նիստերը կվարեն ATN-ի, ինչպես նաեւ պետական և մասնավոր հատվածից ներկայացուցիչներ։ Երկխոսությունը ըստ օրակարգի նախ պիտի անդրադառնա Հայաստան-Սփյուռք գործարար համագործակցության փորձին, ընդհանուր ներդրումների խթանման խնդիրներին և Հայաստանի ներդրումային դաշտի վարկանիշի բարձրացման խնդիրներին:

Ապա, Սփյուռքի ներգրավումը տնտեսական զարգացման օրակարգում քննարկումը, հատկապես Նոր Հայաստանի ընձեռնած հնարավորությունների լոյսի ներքո, պիտի ընդգրկի Սփյուռքին առնչվող և հեղափոխությունից սկզիբ առած համակարգային և օրենսդրական բարեփոխումները, ինչպես նաև սփյուռքահայ գործարար միջավայրի հետ կապեր հաստատելու փորձերը, ներդրողների դժգոհությունների կարգավորման մեխանիզմների և այլ հարցեր։

Վերջնանպատակ ունենալով Սփյուռքի ներգրավվածութամբ տնտեսական մրցունակության բարելավումը, համաժողովը կենտրոնանալու է նաև ներկայիս ներդրումային քաղաքականության և առաջնահերթ ոլորտների վրա, ինչպես նաև շարունակական երկխոսության միջոցով Հայաստան-Սփյուռք արդյունավետ գործարար օրակարգի զարգացման միջոցների, Հայաստանի և Սփյուռքի գործարար միությունների և մասնավոր հատվածում գործող կազմակերպությունների, երկարաժամկետ համագործակցություն ապահովող գործիքների վրա, ներառյալ ATN-ի առաքելության և հավաքական դերի մասին որպես երկխոսության և համատեղ ցանցային գործարար կապերի հարթակ։

Խորհրդաժողովի ավարտից հետո տեղի է ունենալու ավանդական դարձած ATN-ի հայ գործարար մրցանակաբաշխության արարողությունը հետևյալ դասակարգերում՝ Հայաստանի գործարար գերազանցության մրցանակ, Համաշխարհային նվաճում մրցանակ, Հայաստանում լավագույն ներդրող մրցանակ, Տարվա լավագույն գործարար մրցանակ:

ATN AT A GLANCE

ATN is the only cross-sectoral pan-Armenian business organization counting 17 associations in 13 countries. It aims to rebuild the centuries-old Armenian trade networks by promoting new linkages. ATN provides a platform for Armenian chambers of commerce and business associations to exchange knowledge and experiences, as well as promote the economic development agenda in Armenia.

Armenian American Business Council, Armenian American Chamber of Commerce, Artsakh Chamber of Commerce, Australian Armenian Chamber of Commerce, Belgian Armenian Chamber of Commerce, Cámara Argentino - Armenia, Canada-Armenia Business Council, Chamber of Commerce and Industry of the Republic of Armenia, Chambre de Commerce et d’Industrie Franco-Arménienne, Dutch Armenian Chamber of Commerce, Groupement Interprofessionnel International Arménien, Iran Armenia Chamber of Commerce, Lebanese Armenian Business Association, Romania Armenia Chamber of Commerce and Industry, ROSARM Russia Armenia Business Alliance, Switzerland Armenia Chamber of Commerce, Union of Manufacturers and Businessmen of Armenia